Mbunge wa Jimbo la Chalinze Ridhiwani Kikwete na Mbunge wa Kigoma Mjini wameungana na mamia ya Watanzania ambao wanamuombe Mbunge wa Singida Mashariki Tundu Lissu ambaye mchana wa leo amepigwa risasi na watu wasiojulikana akiwa nyumbani kwake
"Mungu Baba uliyeahidi kuipenda Tanzania na Watoto wako, timiza Upendo wako. Mjalie Kaka yetu Lissu afya na uzima.amina" aliandika Mbunge Ridhiwani Kikwete
Watanzania wengi wameonyesha kuguswa na kulaani kitendo hicho alichofanyiwa mbunge huyo huku wengi wao wakimuombea aweze kupata afya njema na kupona, kwa upande wa Zitto Kabwe amewataka watanzania kila mmoja kwa imani yake kumuombea kiongozi huyo ili aweze kupona.
"Tumwombee Tundu Lissu. Kila mtu aombe kwa imani yake. Mungu ampe nafuu Inshallah" Aliandika Zitto Kabwe
Kwa mujibu wa Mganga Mkuu wa hospitali ya Dodoma amesema kuwa mbunge huyo anaendelea na matibabu hospitali hapo na kudai kuwa Tundu Lissu amepigwa risasi hizo mguuni pamoja na tumboni, hivyo madaktari wanaendelea na matibabu.
